لاہور۔16نومبر (اے پی پی):پاکستان ٹیلی ویژن کے معروف اداکار شفیع محمد شاہ کی17ویں برسیکل(17نومبر کو) منائی جائے گی ۔ ورسٹائل فنکار شفیع محمد شاہ نے اپنے منفرد انداز اور اداکاری کے ایسے ان مٹ نقوش چھوڑے جس نے انہیں امر کر دیا،
وہ 1949میں سندھ کے شہر کنڈیارو میں پیدا ہوئے،رعب دار آواز اور جاذب نظر شخصیت کے مالک شفیع محمد شاہ نے ریڈیو سے بطور صدا کار فنی سفر کا آغاز کیاپھر اداکاری کی دنیا میں صلاحیتوں کا ایسا لوہا منوایا جس کا ہر ایک نے اعتراف کیا جبکہ اڑتا آسمان، تیسرا کنارہ، چاند گرہن، آنچ اور جنگل جیسے بے شمار ڈرامے ان کی شناخت بنے، تیس سالہ فنی سفر کے دوران انہوں نے سو سے زائد اردو اور سندھی ڈراموں کے ساتھ کئی فلموں میں بھی اپنی اداکاری کے جوہر دکھائے۔بیوی ہو تو ایسی، نصیبوں والی، روبی، تلاش، میرا انصاف اور الزام میں ان کی اداکاری کو خوب سراہا گیا،دھیما لہجہ رکھنے والے شفیع محمد شاہ کی خدمات کے اعتراف میں حکومت پاکستان نے انہیں تمغہ برائے حسن کارکردگی اور ستارہ امتیاز کے اعزاز سے نوازا، 17نومبر 2007کو یہ درخشاں ستارہ دار فانی سے کوچ کر گیا۔
Short Link: https://urdu.app.com.pk/urdu/?p=525488
 منائی جائے گی){kind=link}