اسلام آباد۔16مئی (اے پی پی):معروف گلوکارہ ظل ہما کی برسی جمعہ 16 مئی کو منائی گئی ۔ ظل ہما اپنی والدہ ملکہ ترنم نور جہاں کا عکس اورفنی وارث کہلائیں اور بلا شبہ ان کودیکھتے ہی بے اختیار ملکہ ترنم یاد آجاتی تھیں۔
ظلم ہما ملکہ ترنم نور جہاں کی سب سے لاڈلی بیٹی تھیں وہ 21فروری 1944ءکو لاہور میں پیدا ہوئیں۔ظل ہما کی کم سنی میں ہی ان کے والد شوکت حسین رضوی اور والدہ کے درمیان علیحدگی ہو گئی اور ملکہ ترنم نور جہاں ننھی ظل ہما کو اپنے پاس رکھنے کے لئے شاہ نور سٹوڈیوز کی ملکیت سے بھی دستبردار ہو گئیں۔ظل ہما کی شادی لاہور کے ایک معروف خاندان میں عقیل بٹ سے ہوئی۔
ان کے ہاں چار بیٹے پیدا ہوئے لیکن بدقسمتی سے ان کی شادی ناکام رہی ۔ظل ہما کو گائیکی کا شوق تو بچپن سے ہی تھا لیکن انکی والدہ نے انہیں کم عمری میں گانے کی اجازت نہ دی۔ ظل ہما نے اپنا یہ شوق 1990ءمیں پورا کیا اوراستاد غلام محمد کی شاگردی اختیار کی ۔ شوگر اور گردوں کی بیماری سے ظل ہما 16 مئی 2014ءکو اس جہان فانی سے کوچ کرگئیں۔ان کی برسی کے موقع شوبز انڈسٹری اور موسیقار برادری نے انکی خدمات کے اعتراف میں انہیں خراج عقیدت پیش کیا۔
Short Link: https://urdu.app.com.pk/urdu/?p=597698
