سیالکوٹ 08 اکتوبر (اے پی پی):ڈپٹی کمشنر محمد ذوالقرنین لنگڑیال نے کہا ہے کہ موسمیاتی تبدیلیوں کے چیلنجوں کا مقابلہ کرنے کیلئے زیادہ سے زیادہ شجر کاری کرنا ہوگی اور معاشرے میں درختوں کی اہمیت اور افادیت بارے شعور اجاگر کرنا وقت کی اہم ضرورت ہے ، جو سماجی تنظیمیں اور سماجی کارکن محنت اور لگن کے ساتھ ’’پلانٹ فار پاکستان‘‘ مہم کا حصہ بن کر شجر کاری کر رہے ہیں انکی حوصلہ افزائی کی جائے گی۔
ان خیالات کا اظہار انہوں نے روز ویلفیئر آرگنائزیشن کی جانب سے ضلع بھر میں اپنی مدد آپ کے تحت مون سون میں بھرپور شجرکاری کرنے پر تنظیم کے صدر محمد اشفاق نذر کو بہترین کارگردگی پر شیلڈ دینے کے موقع پر کیا۔ڈپٹی کمشنر محمد ذوالقرنین نے روز ویلفیئر آرگنائزیشن کے نائب صدر میاں اعجاز انجم و دیگر عہدیداران اور ممبران کو بہترین کارگردگی پر مبارکباد پیش کرتے ہوئے کہا
کہ امید کرتے ہیں کہ آپ پہلے سے بڑھ کر ضلع بھر میں شجرکاری کرینگے تاکہ ماحول سے آلودگی میں کمی آ سکے۔ یاد رہے کہ سماجی رہنما محمد اشفاق نذر کو 20 اکتوبر 2022 میں وزیراعظم پاکستان اور وزارت موسمیاتی تبدیلی حکومت پاکستان نے کلین گرین پاکستان کے چیپمئن کے ایوارڈ سے نوازا تھا۔
Short Link: https://urdu.app.com.pk/urdu/?p=509839
