نیٹ ویئرز کی ملکی برآمدات میں مارچ 2025 کے دوران 15.13 فیصد اضافہ ،پی بی ایس

اسلام آباد۔25اپریل (اے پی پی):نیٹ ویئرز کی ملکی برآمدات میں مارچ 2025 کے دوران 15.13 فیصد اضافہ ہوا ہے ۔ ادارہ برائے شماریات پاکستان (پی بی ایس) کے اعدادوشمار کے مطابق اس دوران نیٹ ویئرز کی برآمدات کا حجم 108 ارب روپے تک پہنچ گیا جبکہ مارچ 2024 میں برآمدات کی مالیت 93.8 ارب روپے رہی تھی ۔ اس طرح مارچ 2024 کے مقابلہ میں مارچ 2025 کے دوران نیٹ ویئرز کی قومی برآمدات میں 14.2 ارب روپے یعنی 15 فیصد سے زیادہ کا نمایاں اضافہ ریکارڈ کیا گیا ہے ۔

Short Link: https://urdu.app.com.pk/urdu/?p=587469