لاہور۔21مئی (اے پی پی):وائس چیئرمین ایل ڈی اے میاں مرغوب احمد کی زیر صدارت ایل ڈی اے گورننگ باڈی کا رواں سال کا تیسرا اجلاس گزشتہ روز ایل ڈی اے آفس جوہر ٹاون میں منعقد ہوا۔اجلاس میں وائس چیئرمین واسا چودھری شہباز احمد، ڈی جی ایل ڈی اے طاہر فاروق،ممبر ٹیکنیکل عبدالحنان اور اکبر شیخ بھی شریک ہوئے۔گورننگ باڈی اجلاس میں مختلف ایجنڈے منظوری کے لیے پیش کیے گئے۔
اجلاس میں ایل ڈی اے ایونیو ون میں پلاٹ مالکان کو بقایا جات جمع کروانے کی تاریخ میں توسیع کی منظوری دی گئی۔ایل ڈی اے ایونیو ون میں بقایا واجبات کی ادائیگی کیلئے دی گئی دیگر تجاویز کی بھی منظوری دی گئی۔ایل ڈی اے سٹی میں موضع طور وڑائچ میں میڈیکل سٹی بنانے کے لیے جگہ حکومت پنجاب کو آفر کرنے کی منظوری دی گئی۔
اجلاس میں ایل ڈی اے کی مختلف سکیموں میں واقع بیوہ کوٹہ کے پلاٹوں سے ریکوری کا کیس پنجاب حکومت کو بھیجنے کا فیصلہ کیا گیا۔
Short Link: https://urdu.app.com.pk/urdu/?p=599909
