اسلام آباد۔16اپریل (اے پی پی):وزیراعظم محمد شہباز شریف نے وفاقی وزیر صحت کو ہدایت کی ہے کہ وہ قومی انسداد پولیو مہم کی مستقل نگرانی کریں۔ بدھ کو وزیراعظم آفس کے میڈیا ونگ سے جاری بیان کے مطابق وزیراعظم شہباز شریف سے وفاقی وزیر نیشنل ہیلتھ سروسز ریگولیشن اینڈ کوآرڈینیشن سید مصطفی کمال نے ملاقات کی۔
وفاقی وزیر سید مصطفی کمال نے شعبہ صحت میں جاری منصوبوں کی پیشرفت کے حوالے سے وزیراعظم کو آگاہ کیا۔ وفاقی وزیر نے وزیراعظم کو وفاق کے زیر انتظام ہسپتالوں میں مریضوں کو علاج کے لئے مزید بہتر سہولیات فراہم کرنے کے حوالے سے تجاویز پیش کیں۔
ملاقات میں وفاقی وزیر نے وزیراعظم کو قومی انسداد پولیو مہم کی پیشرفت کے حوالے سے آگاہ کیا۔وزیراعظم نے قومی انسداد پولیو مہم کی مستقل نگرانی کی ہدایت کرتے ہوئے کہا کہ جناح میڈیکل کمپلیکس کا منصوبہ جلد از جلد مکمل کیا جائے۔ ملاقات میں اسلام آباد میں جناح میڈیکل کمپلیکس کے منصوبے کی پیشرفت پر بھی تبادلہ خیال کیا گیا۔
Short Link: https://urdu.app.com.pk/urdu/?p=582981
