اسلام آباد۔17اپریل (اے پی پی):وزیراعظم محمد شہباز شریف نےضلع ڈیرہ اسماعیل خان میں فتنتہ الخوارج کے دہشت گردوں کے خلاف کامیاب کارروائی پر سکیورٹی فورسز کی ستائش کرتے ہوئے کہا ہے کہ ملک سے ہر قسم کی دہشت گردی کے خاتمے کے لئے پر عزم ہیں۔جمعرات کو وزیراعظم آفس کے میڈیا ونگ سے جاری بیان کے مطابق وزیراعظم نے کارروائی میں 4 خوارجی دہشت گردوں کو ہلاک کرنے پر سکیورٹی فورسز کو خراج تحسین پیش کیا ہے۔
وزیراعظم نے کارروائی کے دوران فائرنگ کے تبادلے میں پاک فوج کے سپاہی باسط صدیقی کی شہادت پر انہیں خراج عقیدت پیش کیا ہے۔وزیراعظم نے شہید باسط صدیقی کے بلندی درجات کی دعا اور ان کے اہلخانہ سے اظہار تعزیت کیا ہے۔انہوں نے کہا کہ پوری قوم شہید باسط صدیقی کو سلام پیش کرتی ہے،ملک سے ہر قسم کی دہشت گردی کے خاتمے کے لئے پر عزم ہیں۔
Short Link: https://urdu.app.com.pk/urdu/?p=583767
