وزیراعظم کی ہدایت پر بروقت کارروائی ، عراق میں پھنسے پاکستانی زائرین وطن واپس پہنچ گئے

اسلام آباد۔31اگست (اے پی پی):‏وزیراعظم محمد شہباز شریف کی ہدایت کے بعد عراق میں پھنسے پاکستانی زائرین کی وطن واپسی کے معاملے پر بروقت کارروائی کی گئی اورعراقی ائیر لائین کی دو پروازوں کے ذریعے زائرین وطن واپس پہنچ گئے۔

وزیراعظم آفس کے پریس ونگ سے جاری بیان کے مطابق عراق میں پھنسے پاکستانی زائرین عراقی ائیر لائین کی دو پروازوں کے ذریعے وطن واپس پہنچے ہیں ۔وزیراعظم نے متعلقہ حکام کو پاکستانی زائرین کی فوری وطن واپسی یقینی بنانے کی ہدایت کی تھی۔

وزیراعظم کی ہدایت پر عراق میں تعینات پاکستان کے سفیر نے متعلقہ عراقی حکام اور ائیر لائینز حکام سے فوری رابطہ کر کے معاملے کو جلد از جلد حل کیا۔وزیراعظم کی ہدایت پر عراق میں پاکستانی زائرین کے لئے طعام اور دیگر سہولیات بھی فراہم کی گئیں۔

Short Link: https://urdu.app.com.pk/urdu/?p=499299