لاہور۔27اپریل (اے پی پی):وزیراعلیٰ پنجاب مریم نواز سے امریکی صدر ڈونلڈ ٹرمپ کے حمایت یافتہ ادارے ورلڈ لبرٹی آرگنائزیشن کے اعلیٰ سطح کے وفد نے ملاقات کی۔ورلڈ لبرٹی آرگنائزیشن کے وفد میں زجری فوک مین، زجری وٹ کوف اور چیس ہیرو شامل تھے۔ملاقات میں پاکستان کرپٹو کونسل کے سربراہ بلال بن ثاقب بھی موجود تھے ،ملاقات میں بلاک چین اینوویشن ٹوکنائزیشن، رئیل ورلڈ ایسٹس اورسٹیبل ایپلیکیشن پر تبادلہ خیال کیاگیا جبکہ بلاک چین ٹیکنالوجی کے فروغ کے منصوبے پر غور کیاگیا۔اس کے علاوہ معدنیات، ایگریکلچر سمیت پاکستان کے وسیع قدرتی وسائل حقیقی اثاثوں کی ٹوکنائزیش کا جائزہ لیاگیا۔
ڈیجیٹل لین دین میں شفافیت، بہتر کارکردگی اور سکیورٹی امور کیلئے اسٹیبل کوائن سلو شن کے نفاذ پر بات چیت کی گئی۔ ملاقات میں ترسیلات زر، مالیاتی لین دین اور عالمی تجارت کے بہتر فریم ورک کی ضرورت پر زور دیاگیا۔پاکستان کے معاشی اور مالیاتی نظام کو ڈی سینٹر لائزڈ فنانس ماڈل سے مربوط کرنے پر اتفاقِ رائے کیاگیا۔وزیراعلیٰ نے ورلڈ لبرٹی فنانشل کے وفد کے اختراعی معاشی نظریات کو سراہا ۔
انہوں نے پنجاب کو ڈیجٹیل اینوویشن کا ریجنل لیڈر بنانے کے عزم کا اظہار کرتے ہوئے ورلڈ لبرٹی فنانشل وفد کو حکومت پنجاب کی ڈیجیٹل ٹیکنالوجیکل ایڈوانس منٹ اور مالیاتی اشتراک کار کے بارے میں آگاہ کیا۔ انہوں نے کہاکہ پنجاب ڈیجیٹل ٹیکنالوجی اور آن لائن ٹریڈ میں تیزی سے آگے بڑھ رہا ہے۔
Short Link: https://urdu.app.com.pk/urdu/?p=588569
