نیو یارک۔21ستمبر (اے پی پی):وزیرخارجہ بلاول بھٹو زرداری نے امریکا کی انٹرنیشنل ڈویلپمنٹ فنانس کارپوریشن کے سی ای او سکاٹ ناتھن سے یہاں ملاقات کی۔
دفتر خارجہ کے مطابق بلاول بھٹو زرداری اور سکاٹ ناتھن کے درمیان ملاقات میں نجی شعبے میں سرمایہ کاری کے مواقع پر بات چیت ہوئی۔ وزیر خارجہ اور سکاٹ ناتھن کے درمیان توانائی، زراعت کے علاوہ موسمیاتی تبدیلیوں سے مقابلے کے منصوبوں پر بھی تبادلہ خیال ہوا۔
اس موقع پر گفتگو کرتے ہوئے وزیر خارجہ بلاول بھٹو زرداری نے کہا کہ معیشت اور خواتین کی خود مختاری پاکستان کی اولین ترجیح ہے۔ انہوں نے سکاٹ ناتھن کو پاکستان کے دورے کی دعوت بھی دی
