وزیر اعلیٰ پنجاب کی ہدایت پر پہلی منی میراتھن دوڑ (کل) راولپنڈی میں منعقد ہو گی

راولپنڈی۔8فروری (اے پی پی):وزیر اعلیٰ پنجاب مریم نواز کی ہدایت پر پہلی منی میراتھن دوڑ کل) برو(ز اتوار کو )راولپنڈی میں منعقد ہو گی ۔ میراتھن ریس کے انتظامات کو حتمی شکل دے دی گئی ہے ۔ سپورٹس ڈیپارٹمنٹ راولپنڈی کی طرف سے جاری کردہ تفصیلات کے مطابق میراتھن ریس لیاقت باغ اسپورٹس کمپلیکس سے شروع ہو کر نواز شریف پارک مری روڈ پر اختتام پذیر ہو گی۔

چھ کلو میٹر پر مشتمل ریس میں دو ہزار سے زائد ایتھلیٹس کی شرکت متوقع ہے جو اوپن، انڈر 19 اور ففٹی پلس کیٹیگریز میں حصہ لیں گے۔ میراتھن ریس صبح نو بجے شروع ہو گی جبکہ اختتامی تقریب دن گیارہ بجے منعقد ہو گی۔ ریس میں نمایاں پوزیشن حاصل کرنے والے کھلاڑیوں میں تین لاکھ چالیس ہزار روپے انعامی رقم تقسیم کی جائے گی ۔

Short Link: https://urdu.app.com.pk/urdu/?p=557384