لاہور۔14اپریل (اے پی پی):وزیر اعلی پنجاب مریم نواز شریف کے وژن ستھرا پنجاب پر عملدرآمد جاری ہے اور اس مقصد کے حصول کیلئے لاہور ویسٹ مینجمنٹ کمپنی( ایل ڈبلیو ایم سی) کی آپریشن ٹیمیں صفائی کی بہترین سہولیات کی فراہمی ممکن بنانے کیلئے 24گھنٹے فیلڈ میں متحرک ہیں۔ترجمان کے مطابق سی ای او ایل ڈبلیو ایم سی کی ہدایت پر کمرشل مارکیٹس، عوامی مقامات، اور رش والی جگہوں پر مینوئل سویپنگ کا عمل بھی جاری ہے۔
بابر صاحب دین کا خصوصی صفائی اقدامات کے حوالے سے اے پی پی سے بات چیت کرتے ہوئے کہنا تھا کہ 5000سے زائد کنٹینرز کی کلیئرنس کے ساتھ ساتھ روزانہ کی بنیاد پر 800کلومیٹر سے زائد روڈز پر مکینیکل سویپنگ، 100 کلومیٹر سے زائد روڈز پر مکینیکل واشنگ کی جاری ہے جبکہ 272بس سٹاپس، لاری اڈوں کی صفائی کو بھی یقینی بنایا جا رہا ہے۔ مزید برآں شہر کی تمام گلیوں، محلوں، چوراہوں، روڈ ڈیوائڈرز اور مین شاہراہوں کی خصوصی صفائی پر عملہ تعینات ہے۔
انہوں نے بتایا کہ شہریوں کو صاف ستھرا ماحول فراہم کرنے کیلئے تمام وسائل بروئے کار لا رہے ہیں، شہریوں سے بھی اپیل ہے کہ لاہور کو صاف رکھنے میں ایل ڈبلیو ایم سی ٹیموں کا ساتھ دیں، صفائی سے متعلق شکایات کے فوری ازالے کیلئے ایل ڈبلیو ایم سی کی ہیلپ لائن 1139پر رابطہ کریں۔
Short Link: https://urdu.app.com.pk/urdu/?p=581998
