وفاقی وزیر اطلاعات مریم اورنگزیب کا پی ٹی آئی رہنما شیریں مزاری کے شوہر ڈاکٹر تابش کے انتقال پر اظہار افسوس

اسلام آباد۔21دسمبر (اے پی پی):وفاقی وزیر اطلاعات و نشریات مریم اورنگزیب نے پی ٹی آئی رہنما شیریں مزاری کے شوہر ڈاکٹر تابش کے انتقال پر گہرے دکھ اور افسوس کا اظہار کیا ہے۔ بدھ کو اپنے تعزیتی بیان میں انہوں نے کہا کہ شیریں مزاری کے شوہر کے انتقال کی خبر سن کر دلی افسوس ہوا۔ وفاقی وزیر اطلاعات نے دعا کی کہ اللہ تعالیٰ مرحوم کو اپنے جوار رحمت میں اعلیٰ مقام اور لواحقین کو صبر جمیل عطا فرمائے۔

Short Link: https://urdu.app.com.pk/urdu/?p=342632