اسلام آباد ۔ 3 جون (اے پی پی) وفاقی وزیر اطلاعات و نشریات سینیٹر شبلی فراز نے ہا ہے کہ انہیں پی ٹی آئی رہنما ورکن خیبرپختونخوا اسمبلی جمشید الدین کاکا خیل کے انتقال پر بے حد دکھ اور صدمہ ہوا ہے، پارٹی کیلئے ان کی خدمات ہمیشہ یاد رکھی جائیں گی، ہم نے ان کے انتقال سے ایک ملنسار و عمدہ انسان کھو دیا ہے۔ اپنے تعزیتی پیغام میں وفاقی وزیر اطلاعات و نشریات نے کہا کہ اللہ تعالیٰ جمشید الدین کاکا خیل کو اپنے جوار رحمت میں جگہ عطا فرمائے اور ان کے لواحقین کو صبر جمیل دے۔
