وفاقی وصوبا ئی حکومتیں عوامی ترقی وفلاح کےلیے بےمثال اورتاریخی اقدامات کررہی ہیں، شیخ آفتاب احمد

اٹک۔ 21 اکتوبر (اے پی پی):رکن قومی اسمبلی وکنوینرضلعی رابطہ کمیٹی اٹک شیخ آفتاب احمدنےکہاہےکہ حکومت پنجاب کی جانب سےعوامی فلاح کےلیے کیے جانے والےاقدامات کےثمرات عوام تک پہنچاٸےجاٸیں۔انہوں نےان خیالات کااظہارڈی سی آفس میں ضلعی رابطہ کمیٹی کےاجلاس کی صدارت کرتےہوئےکیا۔اجلاس میں اررکین صوباٸی اسمبلی چوہدری شیر علی،ملک اعتبار خان،ایڈیشنل ڈپٹی کمشنرفنانس اینڈپلاننگ نوشین اسرار،اسسٹنٹ کمشنرز اوردیگرمتعلقہ افسران بھی موجودتھے۔

شیخ آفتاب احمد نےکہا کہ وفاقی وصوباٸی حکومتیں عوامی ترقی وفلاح کےلیے بےمثال اورتاریخی اقدامات کررہی ہیں۔اشیائےضروریہ کی قیمتیں کم ہوٸی ہیں۔اجلاس میں بتایاگیاکہ اشیائےضروریہ کی قیمتوں میں کمی لانےکےلیے ہرممکن اقدامات کیے جارہے ہیں اوراس ضمن میں پراٸس مجسٹریٹس کو مزید ہدایات جاری کردی جاٸیں گی۔ اجلاس کوبتایا گیا کہ ضلع بھرمیں 103 ترقیاتی سکیموں پر کام ہورہاہےجن پر 32514.928 ملین روپےلاگت آئے گی۔

ان ترقیاتی سکیموں میں صحت،تعلیم،بنیادی ڈھانچےکی بحالی،سپورٹس،زراعت اور دیگر شعبے شامل ہیں۔اجلاس میں سکولوں کی اپ گریڈیشن، زرعی یونیورسٹی،امن وامان کی صورتحال اور دیگر عوامی معاملات پربھی غورکیاگیا۔رکن قومی اسمبلی شیخ آفتاب احمدنےکہاکہ اس کمیٹی کےذریعےعوامی مساٸل حل کرنےکےلیے مختلف تجاویزاورحل پیش کیےجاتےہیں تاکہ حکومتی اقدامات کے ثمرات عوام کی دہلیز تک پہنچائے جا سکیں۔

Short Link: https://urdu.app.com.pk/urdu/?p=515224