جنیوا۔22مئی (اے پی پی):ایل سلواڈور کے نامور ٹینس کھلاڑی مارسیلو آریوالو گونزالیز اور ان کے کروشین جوڑی دار میٹ پاویک پر مشتمل ٹاپ سیڈڈ جوڑی اے ٹی پی جنیوا اوپن ٹینس ٹورنامنٹ میں مردوں کے ڈبلز مقابلوں کے کوارٹر فائنل میں پہنچ گئی ۔ٹاپ سیڈڈ مارسیلو آریوالو گونزالیز اور میٹ پاویک نے مینز ڈبلز مقابلوں کے ابتدائی رائونڈ میں آسٹریا کے ٹینس کھلاڑی الیگزینڈر ایرلراور ان جرمن جوڑی دار کانسٹینٹن فرانٹزن کو شکست دی ۔
اے ٹی پی ٹینس ٹورنامنٹ کے انتہائی دلچسپ اور کانٹے دار مقابلے سوئٹزرلینڈ کے مشہور شہر جنیوا میں جاری ہیں جس میں شائقین ٹینس کو اچھے مقابلے دیکھنے کو مل رہے ہیں۔ جمعرات کو اے ٹی پی ایونٹ میں کھیلے گئے مینز ڈبلز مقابلوں کے ابتدائی رائونڈ میچ میں ایل سلواڈور کے نامور ٹینس کھلاڑی مارسیلو آریوالو گونزالیز اور ان کے کروشین جوڑی دار میٹ پاویک پر مشتمل ٹاپ سیڈڈ جوڑی نے عمدہ کھیل پیش کرتے ہوئے آسٹریا کے ٹینس کھلاڑی الیگزینڈر ایرلراور ان جرمن جوڑی دار کانسٹینٹن فرانٹزن کو سٹریٹ سیٹس میں 4-6اور4-6 سے شکست دے کر کوارٹر فائنل رائونڈ کے لئے کوالیفائی کرلیا۔
Short Link: https://urdu.app.com.pk/urdu/?p=600056
