21.6 C
Islamabad
پیر, اپریل 21, 2025
ہومعلاقائی خبریںٹریفک ہیڈکوارٹر گلبہار میں تقریب تقسیم انعامات کا انعقاد

ٹریفک ہیڈکوارٹر گلبہار میں تقریب تقسیم انعامات کا انعقاد

- Advertisement -

پشاور۔ 15 اپریل (اے پی پی):سٹی ٹریفک پولیس پشاور کے زیر اہتمام ٹریفک ہیڈ کوارٹر گلبہار میں تقریب تقسیم انعامات کا انعقاد کیا گیا جس میں چیف ٹریفک آفیسر ہارون رشید خان، ٹریفک افسران و اہلکاروں نے شرکت کی۔چیف ٹریفک آفیسر ہارون رشید خان نے بہتر کارکردگی پر اہلکاروں میں توصیفی اسناد اور نقد رقوم تقسیم کی۔

تقریب کے دوران چیف ٹریفک آفیسر ہارون رشید خان نے ٹریفک عملے کی کارکردگی کو سراہا اور کہا کہ سٹی ٹریفک پولیس پشاور کے افسران و اہلکار پہلے سلام پھر کلام کی پالیسی پر عمل پیرا ہو کر ڈیوٹیاں انجام دیں اور ٹریفک قوانین پر عملدرآمد کو یقینی بنانے کے لئے تمام تر صلاحیتیں بروئے کار لائیں۔

- Advertisement -

انہوں نے مزید کہا کہ تمام افسران و اہلکار پوری جانفشانی کیساتھ ٹریفک کی روانی اور شہریوں میں روڈ سیفٹی کے حوالے سے شعور اجاگر کرنے کیلئے کردار ادا کریں، چیف ٹریفک آفیسر ہارون رشید خان نے کہا کہ سٹی ٹریفک پولیس پشاور میں سزا و جزا کا عمل اسی طرح جاری رہے گا بہتر کارکردگی دکھانے والوں کی حوصلہ افزائی کی جائیگی جبکہ غفلت برتنے والوں کے خلاف تادیبی کارروائی کی جائیگی۔

چیف ٹریفک آفیسر ہارون رشید خان نے ٹریفک حکام اور اہلکاروں کو ہدایت کی کہ وہ شہر میں نو پارکنگ زون میں گاڑیاں کھڑی کرنیوالوں اور تجاوزات مافیا کیخلاف بلا تعطل آپریشن جاری رکھیں اور کسی کیساتھ کوئی نرمی نہ برتی جائے۔ انہوں نے کہا کہ غفلت کا مظاہرہ کرنے والوں کیخلاف محکمانہ کارروائی کی جائے گی ۔

 

Short Link: https://urdu.app.com.pk/urdu/?p=582041

- Advertisement -
متعلقہ خبریں
- Advertisment -

مقبول خبریں