راولپنڈی۔18اپریل (اے پی پی):پاکستان سپر لیگ (پی ایس ایل) 10 کے سلسلے میں نواں میچ (کل) بروز ہفتہ کو ملتان سلطانز اور پشاور زلمی کے درمیان راولپنڈی کرکٹ اسٹیڈیم میں کھیلا جائے گا۔
میچ رات 8 بجے شروع ہو گا۔ میچ کی تمام تر تیاریاں مکمل کر لی گئی ہیں اور سیکورٹی کے سخت انتظامات کیے گئے ہیں۔ملتان سلطانز کو محمد رضوان لیڈ کر رہے ہیں اور دیگر نمایاں کھلاڑیوں میں مائیکل بریسویل، شائی ہوپ، ڈیوڈ ولی، کرس جورڈن، افتخار احمد شامل ہیں۔ ملتان سلطانز اپنے پہلے دونوں میچ ہار چکی ہے۔
پشاور زلمی مایہ ناز بیٹر بابر اعظم کی زیر قیادت میدان میں اترے گی اور انہیں ٹام کوہلر کیڈمور، صائم ایوب، محمد حارث، الزاری جوزف، حسین طلعت، سفیان مقیم شامل ہیں۔ پشاور زلمی نے دو میچ کھیلے اور دونوں میں اسے شکست ہوئی۔
پی ایس ایل کے اس اہم مقابلے میں دونوں ٹیمیں پوائنٹس ٹیبل پر اپنی پوزیشن بہتر بنانے کی کوشش کریں گی۔ شائقین کرکٹ راولپنڈی کے تاریخی سٹیڈیم میں ایک دلچسپ اور سنسنی خیز مقابلے کی توقع کر رہے ہیں۔
Short Link: https://urdu.app.com.pk/urdu/?p=583932
 10 کے راولپنڈی میں کھیلے جانے والے (کل)کے نویں میچ کے لئے سکیورٹی کے سخت انتظامات){kind=link}