اسلام آباد۔14اپریل (اے پی پی):پاکستان سپر لیگ 10 میں کل(منگل کو) واحد میچ کراچی کنگز اور لاہور قلندرز کے مابین کھیلا جائے گا۔ پی سی بی کے زیر اہتمام پی ایس ایل کے دسویں ایڈیشن کے دلچسپ مقابلوں کا سلسلہ جاری ہے۔ منگل کو لیگ کے چھٹے میچ میں کراچی کنگز اور لاہور قلندرز کی ٹیمیں نیشنل سٹیڈیم کراچی میں مدمقابل ہوں گی۔ میچ رات 8 بجے شروع ہو گا اور فلڈ لائٹس کی روشنی میں کھیلا جائے گا۔
لاہور قلندرز کی ٹیم شاہین شاہ آفریدی کی زیر قیادت میدان میں اترے گی، دیگر نمایاں کھلاڑیوں میں فخر زمان، عبداللہ شفیق، ڈیرل مچل، سیم بلنگز، سکندر رضا، حارث رؤف اور ڈیوڈ ویزا شامل ہیں۔ کراچی کنگز کو مایہ ناز آسٹریلوی بلے باز ڈیو ڈ وارنر لیڈ کریں گے۔ اس ٹیم میں جیمز وینس،ٹم سیفرٹ ،بین میک ڈرموٹ ،حسن علی،ایڈم ملن اورزہد محمود جیسے بہترین کھلاڑی شامل ہیں۔
Short Link: https://urdu.app.com.pk/urdu/?p=581457
 واحد میچ کراچی کنگز اور لاہور قلندرز کے مابین کھیلا جائے گا){kind=link}