پاکستان کوسٹ گارڈزکی سمگلنگ کے خلاف کارروائیاں ،چھالیہ، ڈیزل اور متفرق اشیا برآمد

کراچی۔ 13 اگست (اے پی پی):پاکستان کوسٹ گارڈزنے سمگلنگ کے خلاف کارروائیاں کرتے ہو ئے چھالیہ، ڈیزل اور متفرق اشیا برآمد کی ہیں ۔ترجمان کے مطابق پاکستان کوسٹ گارڈزنے اپنی انٹیلیجنس ذرائع کی معلومات کی بنیاد پر اوتھل (بلوچستان)روڈ چیک پر کارروائی کرتے ہوئے کوئٹہ سے کراچی آنے والی مختلف کوچز سے 21ہزار 85کلوگرام چھالیہ،2922کلوگرام ایرانی کپڑا،1300 سٹیک سگریٹ،75بیگ چائنا سالٹ،100پیکٹ انڈین گٹکا اور42 عدد ٹائر برآمد کر لئے،جبکہ اس قسم کی ایک اور کارروائی میں اوتھل سائیڈ اور کراچی سپر ہائی وے چیک پوسٹوں پر کارروائیاں کر تے ہوئے مزدا ٹرکوں سے 21ہزار 930لیٹر ایرانی ڈیزل بر آمد کر کے قانونی کارروائی شروع کر دی گئی ہے۔

Short Link: https://urdu.app.com.pk/urdu/?p=493453