پاکستان کوسٹ گارڈزکی کارروائیاں،چھالیہ، گٹکا اور غیر ملکی سگریٹ برآمد، غیر قانونی تارکین وطن گرفتار

کراچی۔ 01 جون (اے پی پی):پاکستان کوسٹ گارڈزنےکوئٹہ کراچی شاہراہِ پر وندر کے مقام پر چیکنگ کے دوران کوئٹہ سے کراچی آنے والی مسافرکوچ سے 5490 کلوگرام چھالیہ، 533 پیکٹ گٹکا اور 591 سٹکس غیر ملکی سگریٹ بر آمد کر کے قانونی کارروائی شروع کر دی ہے۔ترجمان کے مطابق گوادر (بلوچستان) پنوان چیک پوسٹ پر مختلف مسافر کوچزسے 12 غیر قانونی تارکین وطن کو بھی گرفتارکر لیا گیا۔

یہ تمام افراد بغیر کسی قانونی دستاویزات اور راہ داری کے غیر قانونی طریقہ سے پاکستان سے ایران جانے کی کوشش کر رہے تھے۔ابتدائی تفتیش کے بعدان تمام افراد کو مزید تفتیش اور دیگر قانونی کارروائیوں کے لیے ایف آئی اے حکام کے حوالے کر دیا گیاہے۔

Short Link: https://urdu.app.com.pk/urdu/?p=471631