پاکستان کی کابل میں دہشت گردانہ حملے کی شدید مذمت

اسلام آباد۔11جنوری (اے پی پی):پاکستان نے افغانستان کے دارالحکومت کابل میں بدھ کو ہونے والے دہشت گردی کے اس بزدلانہ حملے کی شدید مذمت کی ہے جس کے نتیجے میں قیمتی جانیں ضائع اور متعدد افراد زخمی ہوئے ہیں۔

ترجمان دفتر خارجہ کی جانب سے جاری بیان میں کہا گیا ہے کہ پاکستان کی حکومت اور عوام سوگوار خاندانوں سے اپنی گہری ہمدردی اور تعزیت کا اظہار کرتے ہیں۔ بیان میں مزید کہا گیا ہے کہ ہم دہشت گردی کی لعنت کے خلاف جنگ میں اپنے افغان بھائیوں اور بہنوں کے ساتھ یکجہتی کے ساتھ کھڑے ہیں۔

Short Link: https://urdu.app.com.pk/urdu/?p=345864