کراچی۔17فروری (اے پی پی):پاک بحریہ کی مشق سی سپارک2022 کی افتتاحی تقریب کا کراچی میں انعقاد کیا گیا۔ چیف آف دی نیول اسٹاف ایڈمرل محمد امجد خان نیازی افتتاحی تقریب کے مہمان خصوصی تھے۔ ترجمان پاک بحریہ کے مطابق افتتاحی تقریب میں مشق کے مقاصد اور حکمت عملی پر بریفنگ دی گئی۔
مشق سی سپارک کے انعقاد کا مقصدپاک بحریہ کی جنگی تیاری اور منصوبہ بندی کی عملی جانچ ہے۔ مشق سی سپارک 2022 میں بحری اثاثوں کے علاوہ بری اور فضائی افواج کے اہلکار اور اثاثے بھی شریک ہوں گے۔ افتتاحی تقریب میں وزارت دفاع, داخلہ، بحری امور اور نیشنل سکیورٹی ڈویژن کے نمائندگان بھی شریک تھے۔
ترجمان پاک بحریہ نے کہا کہ مشق سی سپارک 2022 محفوظ میری ٹائم ماحول کے لئے پاک بحریہ کے عزم کی مظہر ہے۔
