اسلام آباد۔21اگست (اے پی پی):ائیر چیف مارشل ظہیر احمد بابر سدھو کی خصوصی ہدایات پر پاک فضائیہ کی طرف سے جنوبی پنجاب، بلوچستان اور سندھ کے سیلاب زدہ علاقوں میں پاک فضائیہ کی امدادی کارروائیاں جاری ہیں ۔ ترجمان پاک فضائیہ کی طرف سے اتوار کو جاری بیان کے مطابق جنوبی پنجاب، بلوچستان اور سندھ کے علاقوں نورواہ، مدد پور، کوٹ مگسی، ماڑی پور، صحبت پور، حبیب کوٹ، فتح پور، صادق پل، فاضل پور اور حاجی پور میں انسانی ہمدردی کی بنیاد پر امداد فراہم کرنے کا سلسلہ جاری ہے۔
ترجمان پاک فضائیہ نے کہا کہ ائیر چیف مارشل ظہیر احمد بابر سدھو کی خصوصی ہدایات پر پی اے ایف کی ایمرجنسی رسپانس ٹیمیں سیلاب متاثرین کو راشن فراہم کرنے کے لیے دن رات کوشاں ہیں۔ ترجمان پاک فضائیہ نے کہا کہ آپریشن کے دوران سینکڑوں سیلاب متاثرین کو محفوظ مقامات پر منتقل کر دیا گیا ہے۔ ترجمان پاک فضائیہ کے قائم کردہ فیلڈ میڈیکل کیمپوں میں سیلاب متاثرین کو علاج اور ادویات کی بروقت فراہمی کی جا رہی ہے۔ ترجمان نے کہا کہ پاک فضائیہ قدرتی آفات کے دوران انسانی امداد پہنچانے میں ہمیشہ پیش پیش رہی ہے۔ جنوبی پنجاب، بلوچستان اور سندھ کے علاقوں میں ریلیف آپریشن پاک فضائیہکے مشکل کی گھڑی میں ہم وطنوں کی ہر ممکن مدد کرنے کے عزم کا عملی مظہر ہے۔
Short Link: https://urdu.app.com.pk/urdu/?p=323190
