لاہور۔20اپریل (اے پی پی):پنجاب کے بیشتر اضلاع میں آئندہ چوبیس گھنٹوں کے دوران صوبہ موسم زیادہ تر گرم اور خشک رہنے کا امکان ہے جبکہ جنوبی اضلاع میں گرد آلود ہوائیں چلنے کی بھی توقع ہے ۔
ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے بیشتر اضلاع موسم گرم اور خشک رہاتاہم بالائی علاقوں میں موسلا دھار بارش اور ژالہ باری بھی ہو ئی۔لاہور میں کم سے کم درجہ حرارت 23اور زیادہ سے زیادہ 37سینٹی گریڈ ریکارڈ کیا گیا جبکہ ہوا میں نمی کا تناسب 20رہا۔لا ہور میں آلودگی کی مجموعی شرح 102فیصد رہی جبکہ شہر کے مختلف علاقوں میں ایئر کولٹی انڈیکس فیز ایٹ ڈی ایچ اے112،ایوی گرین 160،ذکی فارمز 157،اڈا پلاٹ 155،ریو نیو سوسائٹی 112، ہا ئیکنگ اینڈ مونٹینی158،سید مراتب علی روڈ156اور ڈائمنڈ پینٹس 134 ریکارڈ کیا گیا۔
Short Link: https://urdu.app.com.pk/urdu/?p=584766
