لاہور۔12دسمبر (اے پی پی):محکمہ موسمیات نے پیش گوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر علاقوں میں موسم سردوخشک جبکہ میدانی علاقوں میں صبح کے اوقات میں سموگ اور دھند پڑنے کا امکان ہے ۔
ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے اکثر علاقوں میں موسم سرداور خشک رہا جبکہ آئندہ چوبیس گھنٹوں کے دوران صبح کے اوقات میں لاہور، سیالکوٹ، گوجرانوالہ، نارووال، نارنگ منڈی،سرگودھا، اوکاڑہ، فیصل آباد، ٹوبہ ٹیک سنگھ،جھنگ،خانیوال ،ملتان ، بہا ولپور ، ڈیرہ غا زی خان اور گر دو نواح میں دھنداورسموگ چھائے رہنے کاا مکان ہے ۔
ترجمان کے مطابق لاہور میں کم سے کم درجہ حرارت 07جبکہ زیادہ سے زیادہ 21سینٹی گریڈ ریکارڈ کیا گیا ، ہوا میں نمی کا تناسب 62فیصد رہا،لا ہور میں آلودگی کی مجموعی شرح 239 رہی،اسی طرح شہر کے دیگر علاقوں زکی فارمزمیں ایئر کوالٹی انڈیکس 321،ڈی ایچ اے 8فیز 310،پولو گراونڈ 349،مراتب علی روڈ 259،فدا حسین روڈ262اور فاسٹ یونیورسٹی 287ریکارڈ کیا گیا۔ محکمہ موسمیات کے مطابق آئندہ 24گھنٹوں کے دوران بارش کا کوئی امکان نہیں۔
Short Link: https://urdu.app.com.pk/urdu/?p=419162
