پاکستان ٹیلی ویژن کی پروقار نشریات کا 59 سالہ سفر قومی تشخص اور درخشاں روایت کا امین ہے، نگراں وفاقی وزیر اطلاعات مرتضیٰ سولنگی کا پی ٹی وی کی 59 ویں سالگرہ کی تقریب سے خطاب

پاکستان ایران کے ساتھ باہمی اقتصادی تعلقات کے فروغ کے لیے پرعزم ہے، ایران کے ساتھ میڈیا سمیت مختلف شعبوں میں تعاون کے فروغ جیسے معاہدے ہماری ثقافت اور روایات کو حقیقی روشنی میں پیش کرنے میں مدد دیں گے، مرتضیٰ سولنگی
پاکستان ایران کے ساتھ باہمی اقتصادی تعلقات کے فروغ کے لیے پرعزم ہے، ایران کے ساتھ میڈیا سمیت مختلف شعبوں میں تعاون کے فروغ جیسے معاہدے ہماری ثقافت اور روایات کو حقیقی روشنی میں پیش کرنے میں مدد دیں گے، مرتضیٰ سولنگی

لاہور ۔26نومبر (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی نے پاکستان ٹیلی ویژن کی 59 ویں سالگرہ پر پی ٹی وی کے ملازمین کو مبارکباد پیش کرتے ہوئے کہا ہے کہ پاکستان ٹیلی ویژن کی پروقار نشریات کا 59 سالہ سفر قومی تشخص اور درخشاں روایت کا امین ہے۔ یہ بات انہوں نے اتوار کو یہاں پی ٹی وی کی 59 ویں سالگرہ کی تقریب سے خطاب کرتے ہوئے کہی۔ تقریب میں وزیراعلیٰ پنجاب محسن نقوی، جی ایم پی ٹی وی سمیت دیگر بھی موجود تھے۔

مرتضیٰ سولنگی نے کہا کہ پی ٹی وی پاکستان کا قومی براڈ کاسٹر ہے جس نے 59 سال میں شاندار سفر طے کیا۔ انہوں نے کہا کہ 59 سال قبل لاہور میں میرے استاد اسلم اظہر نے ایک پرانی عمارت کے لان میں ٹینٹ لگا کر پی ٹی وی کی نشریات کا آغاز کیا۔ تقریب میں موجود وزیراعلیٰ پنجاب محسن نقوی کا خیرمقدم کرتے ہوئے نگران وفاقی وزیرنے کہا کہ وزیراعلیٰ پنجاب محسن نقوی خود براڈ کاسٹر اور صحافی رہے ہیں،

انہوں نے یہ سفر خود بھی دیکھا ہے، پنجاب میں ہونے والی تبدیلیوں کے باعث اب وہ ہر ایک کو محسن لگ رہے ہیں۔ انہوں نے کہا کہ پنجاب میں جتنی تبدیلیاں دیکھی ہیں لگتا ہے وہ پنجاب کے شیر شاہ سوری بن جائیں گے۔ اس موقع پر نگران وفاقی وزیر اطلاعات مرتضیٰ سولنگی اور وزیراعلیٰ پنجاب محسن نقوی نے پی ٹی وی ملازمین کے ساتھ مل کر پی ٹی وی کی 59 ویں سالگرہ کا کیک کاٹا اور انہیں مبارکباد دی۔ بعد ازاں نگران وفاقی وزیر اطلاعات مرتضیٰ سولنگی اور وزیراعلیٰ پنجاب محسن نقوی نے پی ٹی وی لاہور سنٹر کے مختلف شعبوں کا دورہ کیا۔