چلڈرن ہسپتال ملتان میں "ورلڈ آٹزم ڈے”کے موقع پر آگاہی تقریب کا انعقاد

ملتان۔ 23 اپریل (اے پی پی):ڈین پروفیسر ڈاکٹر محمد کاشف چشتی کی سربراہی میں چلڈرن ہسپتال ملتان میں "ورلڈ آٹزم ڈے” کے موقع پر آگاہی تقریب کا انعقاد کیا گیا۔یہ دن دنیا بھر میں آٹزم سے متعلق شعور اجاگر کرنے، متاثرہ بچوں اور ان کے والدین کی حوصلہ افزائی کرنے اور معاشرے میں ان کے لیے قبولیت کو فروغ دینے کے لیے منایا جاتا ہے۔

اس دن کا مقصد آٹزم کے شکار بچوں کے مسائل کو اجاگر کرنا اور ان کے لیے بہتر مواقع فراہم کرنا ہے۔یہ بیماری عموماً بچوں میں سیکھنے کی صلاحیت اور دوسروں سے تعلقات کو متاثر کرتی ہے۔اس موقع پر ڈین پروفیسر ڈاکٹر محمد کاشف چشتی نے شرکا سے اس دن کی اہمیت کے حوالے سے اظہارِ خیال کیا۔

تقریب میں پروفیسر ڈاکٹر سہیل ارشد، پروفیسر ڈاکٹر وقاص عمران، پروفیسر نُزہت نورین، پروفیسر ڈاکٹر ارم افضل، ڈاکٹر خالد، ڈاکٹر عمران، ڈاکٹر وقاص، ڈاکٹر عمر، ڈاکٹر کوثر، ڈاکٹر حسیب سرگانہ، ڈاکٹر ذوالفقار، ڈاکٹر ہارون، ڈاکٹر معاذ سمیت پیرا میڈیکل اسٹاف نے بھرپور شرکت کی۔ اس موقع پر کیک کاٹا گیا اور بچوں میں تحائف تقسیم کیے گئے۔بعد ازاں آگاہی واک کا بھی اہتمام کیا گیا جس کا مقصد معاشرے میں آٹزم سے متعلق آگاہی پیدا کرنا تھا۔

Short Link: https://urdu.app.com.pk/urdu/?p=586696