اسلام آباد۔29جنوری (اے پی پی):نیشنل کمانڈ اینڈ آپریشن سنٹر ( این سی او سی ) کے مطابق گزشتہ چوبیس گھنٹوں کے دوران کورونا وائرس سے46 اموات رپورٹ ہوئی ہیں، جن میں سے 17 اموات وینٹیلیٹرز پر موجود مریضوں کی تھیں ۔ گزشتہ چوبیس گھنٹوں میں کورونا وائرس سے سب سے زیادہ پنجاب میں اور اس کے بعد سندھ میں سب سے زیادہ اموات ریکارڈ کی گئی ہیں ۔ جمعہ کے روز نیشنل کمانڈ اینڈ آپریشن سینٹر کی طرف سے جاری تازہ اعدادو شمار کے مطابق گزشتہ 24 گھنٹوں کے دوران ملک بھر میں 1 ہزار 644 افراد کے کووڈ۔ 19 ٹیسٹ مثبت آئے ، گزشتہ چوبیس گھنٹوں میں ملک بھر میں 46 افراد کورونا وائرس سے جاں بحق ہوئے جن میں سے 38 افراد ہسپتالوں میں جبکہ 8 افراد گھروں میں قرنطینہ کے دوران جاں بحق ہوئے ہیں ،گزشتہ چوبیس گھنٹوں میں کووڈ۔ 19 سے جاں بحق ہونے والے 46 افراد میں سے 17 اموات وینٹی لیٹر ز پر مریضوں کی ہوئیں ۔ ملک کے 4 بڑے شہروں میں وینٹیلیٹرز پر موجود کووڈ۔ 19 کے مریضوں کے تناسب کے لحاظ سے وفاقی دارالحکومت اسلام آباد میں 41 فیصد،لاہور میں 37 فیصد، ملتان 37 فیصد اور پشاور میں 27 فیصد مریض زیر علاج ہیں۔ اسی طرح سے ملک کے چار بڑے شہروں میں کورونا سے متاثرہ مریضوں کیلئے مختص آکسیجن کی سہولیات والے بستروں پر کورونا کے مثبت کیسز کے تناسب کے لحاظ سے پشاور میں 41 فیصد،کراچی 36 فیصد ،ملتان میں 34 فیصد اور راولپنڈی میں 24 فیصد مریض ہیں ۔گزشتہ 24 گھنٹوں کے دوران ملک بھر میں کووڈ۔19 کے 43 ہزار 381 ٹیسٹ کیے گئے ،جن میں سے سندھ میں 12 ہزار 151 ، پنجاب میں 16 ہزار 970 ، خیبرپختونخوا میں 6 ہزار 800، اسلام آباد میں 6ہزار 152،بلوچستان میں 527 ،گلگت بلتستان میں370 اور آزاد جموں کشمیر میں 411 افراد کے کورونا ٹیسٹ شامل ہیں ۔ اب تک ملک بھر میں کووڈ۔19 سے 4 لاکھ 96 ہزار 745 افراد صحت یاب ہو چکے ہیں ۔ بلوچستان،گلگت بلتستان اور آزاد جموں کشمیر میں کورونا وائرس سے متاثر ہ کوئی بھی مریض اس وقت وینٹیلیٹرز پر نہیں ہے جبکہ ملک بھر میں کووڈ۔19 کے لیے مختص وینٹیلیٹرز پر اس وقت 301 مریض زیر علاج ہیں۔ ملک بھر میں کووڈ۔19 کے ایکٹو کیسز کی تعداد 32 ہزار 726 ہے۔ ملک بھر میں کورونا وائرس سے متاثرہ افراد کی تعداد 5 لاکھ 41 ہزار 31 ہے، جن میں سے آزاد جموں کشمیر میں 8 ہزار953 ، بلوچستان میں 18 ہزار 798،گلگت بلتستان میں 4 ہزار 909 ، اسلام آباد میں 41 ہزار 176 ،خیبر پختونخوا میں 66 ہزار 451 ، پنجاب میں 1 لاکھ 56 ہزار 404 اور سندھ میں 2 لاکھ 44ہزار 340 مریض ہیں۔ ملک بھر میں کووڈ۔19 سے اب تک کل 11 ہزار 560 اموات ہو چکی ہیں ،جن میں سے سندھ میں 3 ہزار 969 اموات ہوئیں ، گزشتہ چوبیس گھنٹوں کے دوران سندھ میں ہسپتالوں میں 7 مریضوں کی جبکہ گھروں میں قرنطینہ کے دوران 5 افراد کی کورونا وائرس سے اموات ہوئیں ، پنجاب میں کورونا وائرس سے کل 4 ہزار 681 اموات ہوئی ،گزشتہ چوبیس گھنٹوں کے دوران پنجاب میں 17 مریض ہسپتالوں میں جبکہ 3 مریض گھر وں میں قرنطینہ کے دوران کورونا وائرس سے جاں بحق ہوئے ،خیبر پختونخوا میں کورونا وائرس سے 1 ہزار 879 اموات ہوئیں ،گزشتہ چوبیس گھنٹوں کے دوران کے پی کے میں 9 مریض ہسپتالوں میں کورونا وائرس سے جاں بحق ہوئے،اسلام آباد میں اس وائرس سے کل 476 اموات ہوئیں گزشتہ چوبیس گھنٹوں کے دوران اسلام آباد میں 4 مریض ہسپتالوں میں کورونا وائرس سے جاں بحق ہوئے،بلوچستان میں کووڈ۔ 19 سے کل 194 اموات ہوئیں ،گزشتہ چوبیس گھنٹوں میں بلوچستا ن میں کورونا وائرس سے متاثرہ ہسپتال میں زیر علاج ایک مریض جان کی بازی ہار گیا ، گلگت بلتستان میں کووڈ۔ 19 سے کل 102 اموات ہوئیں ، آزاد جموں کشمیر میں اس وائرس سے 259 اموات ہوئیں۔اب تک ملک بھر میں78 لاکھ 48 ہزار 316 افراد کے کورونا ٹیسٹ کیے جا چکے ہیں۔ملک بھر میں کووڈ۔19 کے علاج کیلئے کورونا وائرس سے متاثرہ مریضوں کیلئے مختص 631 ہسپتالوں میں 2 ہزار 590 مریض زیر علاج ہیں
