اسلام آباد۔6فروری (اے پی پی): چیئرمین سینیٹ محمد صادق سنجرانی نے ترکیہ اور شام میں زلزلے کے نتیجے میں ہونے والے جانی و مالی نقصان پر گہرے دکھ اور افسوس کا اظہار کیاہے۔ پیر کو سینیٹ سیکرٹرٹ سے جاری بیان کے مطابق چیئرمین سینیٹ محمد صادق سنجرانی نے کہا کہ مصیبت کی اس گھڑی میں پاکستانی حکومت اور عوام اپنے ترک اور شامی بھائیوں کے ساتھ کھڑے ہیں۔
چیئرمین سینیٹ محمد صادق سنجرانی کی ا س ناگہانی آفات کے نتیجے میں جاں بحق افراد کیلئے بلندی درجات کی دعا۔چیئرمین سینیٹ کی زخمیوں کی جلد صحتیابی کی بھی دعا۔انہوں نے کہاکہ ترکیہ اور شام کے بہادر عوام اپنے روایتی عزم اور برداشت سے اس سانحہ کا مقابلہ کریں گے۔تر کیہ نے ہرمشکل میں ہمیشہ پاکستان کا ساتھ دیا ہے۔انہوں نے کہا کہ پاکستانی قوم کی دعائیں بہاد ر ترک اورشامی عوام اور حکومت کے ساتھ ہیں۔
Short Link: https://urdu.app.com.pk/urdu/?p=349965
