اسلام آباد۔13جون (اے پی پی):چیئرمین کینٹ ڈویلپمنٹ اتھارٹی (سی ڈی اے )محمد علی رندھاوا نے سی ڈی اےون ونڈو کا دورہ کیا اور فراہم کی جانے والی سہولیات و انتظامات کا جائزہ لیا۔ اس موقع پر ہدایات جاری کرتے ہوئے چیئرمین سی ڈی اے نے کہا کہ ون ونڈو آنے والے سائلین کو تمام سہولیات فراہم کی جائیں، سائلین کے بیٹھنے کے لئے مناسب انتظام کیا جائے، موسم گرما میں ون ونڈو آپریشنز آنے والے سائلین کے لئے تمام سہولیات کی فراہمی کو یقینی بنایا جائے۔
انہوں نے تمام افسران و ملازمین کی حاضری یقینی بنانے کی ہدایت کرتے ہوئے کہا کہ ون ونڈو کا مقصد شہریوں کو ایک چھت تلے تمام سہولیات فراہم کرنا ہے۔ انہوں نے کہا کہ ڈیجیٹلائزیشن کے عمل کے بعد ون ونڈو کی افادیت میں مزید اضافہ ہو جائے گا۔ انہوں نے ہدایت کی کہ ون ونڈو اور اس سے متعلقہ شعبوں میں بیٹھنے کے لیے جگہوں کو مزید بہتر کیا جائے۔
Short Link: https://urdu.app.com.pk/urdu/?p=476005
