- Advertisement -
لاہور۔3مئی (اے پی پی):چین کے وفد نے پنجاب یونیورسٹی کے شعبہ تاریخ ومطالعہ پاکستان کا دورہ کیا۔ ترجمان کے مطابق اس موقع پر ڈین فیکلٹی آف آرٹس اینڈ ہیومینیٹیزپروفیسر ڈاکٹر محبوب حسین نے وفد کو خوش آمدیدکہا اور شعبہ میں جاری تعلیمی سرگرمیوں واساتذہ بارے تعارف پیش کیا۔
وفد کے شرکاء نے تعلیمی تعاون، ثقافتی تبادلے اور شعبہ تاریخ و چینی یونیورسٹیوں کے درمیان مستقبل کی شراکت داریوں پرسیر حاصل بات چیت کی۔ پروفیسر ڈاکٹر محبوب حسین نے کہا کہ یہ دورہ تاریخی و علاقائی مطالعات کے شعبے میں باہمی افہام و تفہیم اور تعاون کو مضبوط بنانے کی جانب ایک مثبت قدم ہے۔
- Advertisement -
انہوں نے کہا کہ شعبہ تاریخ آئندہ بھی تعلیمی روابط اور مشترکہ سیکھنے کے تجربات کیلئے کردار ادا کرتا رہے گا۔
Short Link: https://urdu.app.com.pk/urdu/?p=591991
- Advertisement -
