بیجنگ۔4فروری (اے پی پی):چین نے2 امریکی کمپنیوں پی وی ایچ کارپوریشن اور ایلومینا کو ناقابل اعتبار کمپنیوں کی فہرست میں شامل کرنے کا فیصلہ کیا ہے۔ شنہوا نے چینی وزارت تجارت کے منگل کو جاری بیان کے حوالے سے بتایا کہ دونوں امریکی اداروں کلوتھنگ کمپنی پی وی ایچ کارپوریشن اور بائیو ٹیکنالوجی کمپنی ایلومینا نےمارکیٹ کے معمول کے تجارتی اصولوں کی خلاف ورزی کرتے ہوئے چینی کمپنیوں کے ساتھ باقاعدہ تجارت ختم کی ہے ۔کہا گیا ہے کہ ان کمپنیوں نے چینی کمپنیوں کے خلاف امتیازی اقدامات کئے جن سے ان کے جائز حقوق اور مفادات کو شدید نقصان پہنچا ۔
بیان میں کہا گیا کہ یہ فیصلہ قومی خودمختاری، سلامتی اور ترقیاتی مفادات کو برقرار رکھنے اور متعلقہ قوانین اور ضوابط کے مطابق کیا گیا، ناقابل اعتبار اداروں کی فہرست کے میکانزم ،متعلقہ قوانین اور ضوابط کی بنیاد پر مذکورہ بالا اداروں کے خلاف اقدامات کیے جائیں گے۔
Short Link: https://urdu.app.com.pk/urdu/?p=555835
