لاہور۔19اپریل (اے پی پی):منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے ہفتہ کے روز یہاں سجادہ نشین دربارِ بابا فرید خواجہ معین الدین محبوب کوریجہ سے قصرِ فریدمیں ملاقات کی ۔ ناظمِ اعلی خرم نواز گنڈاپور اور ناظم اعلی نظام المدارس پاکستان ڈاکٹر میر آصف اکبر قادری ،قاضی فیض الاسلام بھی ان کے ہمراہ تھے۔ملاقات میں آستانہ عالیہ میاں میر لاہور کے سجادہ نشین پیر سید ہارون علی گیلانی، آستانہ عالیہ سندر شریف کے سجادہ نشین پیر ڈاکٹر سید محمد حبیب عرفانی، آستانہ عالیہ سلطان باہو جھنگ کے پیر سلطان ریاض الحسن باہو
آستانہ عالیہ چشتیہ نظامیہ کے خواجہ اسرار الحق چشتی نظامی، آستانہ عالیہ وارثیہ لاہور کے سجادہ نشین پیر سید حسنین محبوب گیلانی اور آستانہ عالیہ واصف علی واصف کے صاحبزادہ کاشف علی واصف بھی شریک ہوئے۔ ملاقات کے دوران مشائخ عظام نے باہمی دلچسپی کے امور پر تبادلہ خیال کیا۔ڈاکٹر حسن محی الدین قادری نے مشائخ عظام کو اپنی شہرہ آفاق تصنیف "دستورِ مدینہ اور فلاحی ریاست کا تصور” بطورِ تحفہ پیش کی، مشائخ کرام نے ڈاکٹر حسن محی الدین قادری کی اس تحقیقی کتاب کو سراہا اور امت کی فکری و عملی رہنمائی کے لیے عظیم علمی سرمایہ قرار دیا۔
Short Link: https://urdu.app.com.pk/urdu/?p=584615
