بھکر ۔12 ستمبر (اے پی پی):ڈی پی اوبھکر محمد نوید نے کہا ہے کہ میرٹ اور انصاف ہر شہری کا حق ہے جس کے لیے تمام تر وسائل بروئے کار لائے جا رہے ہیں ، کھلی کچہری میں شہریوں کے مسائل اور شکایات کا ازالہ کیا جاتا ہے۔
ان خیالات کا اظہار انہوں نے کھلی کچہری کے دوران سائلین کی درخواستوں پر پولیس افسران کو ہدایات و احکامات جاری کرتے ہوئے کیا، انہوں نے کہا کہ ضلع کے طول و عرض میں بسنے والے ایک ایک شہری میرٹ اور انصاف کیلئے برابری کا حق دار ہے ،اس سلسلہ میں پولیس چوبیس گھنٹے اپنے فرائض تندہی کے ساتھ سر انجام دینے کے لئے کوشاں رہتی ہے
، عوام کی درخواستیں ہوں یا پھر مقدمات یا پھر پکار 15 پر کی جانے والی کالز پولیس کی جانب سے بروقت ریسپانس کرتے ہوئے مقررہ وقت میں نمٹا کر شہریوں کے مسائل اور شکایات و مسائل کا ازالہ کیا جا رہا ہے، اس کے علاوہ وہ خود روزانہ کی بنیاد پرکھلی کچہری کا انعقاد کر کے سائلین کی شنوائی کرتے ہیں جس سے عوام کو اطمینان بخش انصاف و میرٹ فراہم کر کے ان کی شکایات اور مسائل کا ازالہ کیا جاتا ہے،
اس موقع پر انہوں نے کمپلینٹ سیل میں آنے والے شہریوں کی کھلی کچہری میں درخواستیں سن کر احکامات جاری کرتے ہوئے پولیس افسران سے رپورٹس طلب کرلیں ۔
Short Link: https://urdu.app.com.pk/urdu/?p=389849
