فیصل آباد ۔ 03 جولائی (اے پی پی):کاشتکاروں کو جولائی میں بیج والی فصل کے لیے گوارے کا 12 سے15 کلو بیج فی ایکڑاستعمال کرنے کی ہدایت کی گئی ہے ۔
نظامت زرعی اطلاعات محکمہ زراعت کے ترجمان نے کہاکہ بیج والی فصل کے لیے گوارے کی کاشت کا موزوں ترین وقت جولائی ہے جبکہ چارےکے لیے گوارے کی کاشت فوری طور پر شروع کی جاسکتی ہے۔انہوں نے بتایاکہ بیج والی فصل کے لیےگوارے کا بیج 12 سے15 کلوگرام فی ایکڑ جبکہ چارے کی فصل کے لیے 20 سے25 کلوگرام فی ایکڑ استعمال کیاجاسکتاہے۔
انہوں نے بتایاکہ گوارے کو سبز کھاد کے طور پر استعمال کرنے سے فصل اور زمین پر مثبت اثرات مرتب ہوتے ہیں۔ گوارے کی کاشت عموماً ریتلے اور کم بارش والے علاقوں میں کی جاتی ہے جن میں جھنگ، بھکر، لیہ، میانوالی، خوشاب اوربہاولپور شامل ہیں۔
انہوں نے بتایاکہ گوارے کی کاشت کے لیے گرم آب وہوا درکار ہوتی ہے جبکہ یہ فصل پانی کی کمی کو کافی دیر تک برقراررکھنے کی بھی صلاحیت رکھتی ہے۔
Short Link: https://urdu.app.com.pk/urdu/?p=372035
