فیصل آباد۔ 09 اگست (اے پی پی): ریسرچ انفارمیشن یونٹ ایوب زرعی تحقیقاتی ادارہ فیصل آبادنے کاشتکاروں کوسفارش کی ہے کہ وہ شلجم کی فصل کی اگیتی کاشت کے لیے منظور شدہ اقسام دیسی سرخ،پرپل ٹاپ،گولڈ ن بال(فیصل آباد)کی کاشت رواں ماہ میں شروع کردیں اورشلجم کی کاشت کے لیے بہتر نکاس والی میرا زمین کا انتخاب کرکے کھیت کی تیاری کے لیے ایک مرتبہ مٹی پلٹنے والاہل چلائیں جبکہ ہر دفعہ ہل چلانے کے بعد سہاگہ دیکر زمین کو اچھی طرح نرم اور بھربھراکرلیں۔
انہوں نے کہا کہ کاشت کے وقت 1بوری ڈی اے پی اور 1بوری پوٹاش فی ایکڑ استعمال کریں نیز فصل کو پھپوندی سے پھیلنے والی بیماریوں سے بچانے کے لیے بیج کو محکمہ زراعت (توسیع و پیسٹ وارننگ) کی سفارش کردہ زہر لگا کر کاشت کریں ۔
انہوں نے کہاکہ اچھے اگاؤ کے لیے ایک کلو گرام صحت مند اور بہتر شرح اگاؤ والا بیج استعمال کریں جبکہ کاشت سے قبل کھیت کو 10،10مرلہ کے حصوں میں تقسیم کرکے 75سینٹی میٹر کے فاصلہ پر پٹڑیاں بنالیں اور پٹڑیوں پر بیج لگانے کے بعد کھیت کو پانی لگا ئیں۔
Short Link: https://urdu.app.com.pk/urdu/?p=378830
