کشمیر ،گلگت بلتستان، بالائی خیبرپختونخوا اورخطہ پوٹھو ہار میں آندھی /جھکڑ چلنےاور گرج چمک کے ساتھ بارش،کشمیر ،گلگت بلتستان اور بالائی خیبرپختونخوا میں بعض مقامات پر تیز/ موسلادھار بارش /ژالہ باری کا امکان، محکمہ موسمیات

اسلام آباد۔19اپریل (اے پی پی):محکمہ موسمیات نے متنبہ کیا ہے کہ ہفتہ اور اتوار کو آندھی/جھکڑ / ژالہ باری/گرج چمک اور تیز/ موسلادھار بار ش کے باعث کمزور انفرا سٹرکچر ( بجلی کے کھمبے، درخت ، گاڑیوں، سولر پینل وغیرہ)کو نقصان کا خطرہ ہے۔ آئندہ چوبیس گھنٹوں کے دوران کشمیر ،گلگت بلتستان، بالائی خیبرپختونخوا اورخطہ پوٹھو ہار میں آندھی /جھکڑ چلنےاور گرج چمک کے ساتھ بارش جبکہ کشمیر ،گلگت بلتستان اور بالائی خیبرپختونخوا میں بعض مقامات پر تیز/ موسلادھار بارش /ژالہ باری کی توقع ہے۔ اس دوران ملک کے دیگر علاقوں میں موسم گرم اور خشک رہنے کا امکان ہے۔محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم گرم اور خشک جبکہ جنوبی علاقوں میں شدید گرم رہا تاہم بالائی خیبرپختونخوا ،شمال/مشرقی پنجاب ،کشمیراور گلگت بلتستان میں آندھی اور گرج چمک کے ساتھ بارش ہوئی۔

سب سے زیادہ بارش پٹن میں 36، کاکول 33، مردان 22، بالاکوٹ 21، مالم جبہ، کالام 11، سیدو شریف 9، دیر (اپر)، دروش 6، پشاور سٹی، چیراٹ، پشاور ایئرپورٹ 4، چترال 3، گڑھی دوپٹہ 2، مظفرآباد (ائیر پورٹ 25، سٹی 18)، راولاکوٹ 11، کوٹلی 8، سکردو 41، استور 36، چلاس 24، بگروٹ 14، بونجی 12، گلگت 10، گوپس 5، مری 17، راولپنڈی (چکلالہ 11، شمس آباد 7، کچہری 6)، اسلام آباد 11 ،گولڑہ ،9، بوکرا 7 ، منگلا 7، اٹک 6، جہلم 5 اور سیالکوٹ سٹی میں ایک ملی میٹر ریکارڈ کی گئی۔ہفتہ کو ریکارڈ کئے گئے زیادہ سےزیادہ درجہ حرارت کی رپورٹ کے مطابق جیکب آباد میں درجہ حرارت 45، بہاولنگر، دادو،پڈ عیدین، موہنجو دڑواور میٹھی میں 43ڈگری سینٹی گریڈ ریکارڈ کیا گیا ہے۔

Short Link: https://urdu.app.com.pk/urdu/?p=584549