کچن گارڈننگ کو فروغ دینا اشد ضرورت ہے، رانا تنویر حسین

اسلام آباد۔10اپریل (اے پی پی):وفاقی وزیر برائے نیشنل فوڈ سکیورٹی اینڈ ریسرچ رانا تنویر حسین نے کہا ہے کہ کچن گارڈننگ نہ صرف ایک صحت مندانہ سرگرمی ہے بلکہ یہ ماحول دوست اور شہریوں کی مالی خود کفالت کا مؤثر ذریعہ بھی ہے ہمیں کچن گارڈننگ کو فروغ دینا اشد ضرورت ہے، حکومت اس کلچر کی بحالی کے لئے سنجیدہ اقدامات اٹھا رہی ہے۔ ان خیالات کا اظہار انہوں اربن ایگریکلچر اجلاس سے خطاب کرتے ہوئے کیا ۔اجلاس کے آغاز میں ندیم اقبال نے کچن گارڈننگ اور اربن ایگریکلچر کے حوالے سے تفصیلی بریفنگ دی۔ا س موقع پر وفاقی وزیر نے کہا کہ کچن گارڈننگ نہ صرف ایک صحت مندانہ سرگرمی ہے بلکہ یہ ماحول کی بہتری اور شہری خود کفالت کا مؤثر ذریعہ بھی ہے۔

انہوں نے کہا کہ ہمیں کچن گارڈننگ کو فروغ دینے کی اشد ضرورت ہے، کیونکہ یہ کلچر ہمارے معاشرے سے ختم ہوتا جا رہا ہے۔ حکومت اس کلچر کی بحالی کے لئے سنجیدہ اقدامات اٹھا رہی ہے۔وفاقی وزیر نے مزید کہا کہ کینیا، برازیل اور کیوبا جیسے ممالک کے کامیاب ماڈلز کا جائزہ لیا جا رہا ہے تاکہ ان سے سیکھ کر مقامی سطح پر قابل عمل حکمت عملی اپنائی جا سکے۔انہوں نے بتایا کہ حکومت جلد ماحول اور زراعت کی بہتری کے لئے عملی اقدامات اٹھانے جا رہی ہے۔

اس سلسلے میں نیشنل ایگریکلچر ریسرچ کونسل (این اے آر سی) اور کیپیٹل ڈیولپمنٹ اتھارٹی (سی ڈی اے) کے تعاون سے ایک ماڈل منصوبہ تشکیل دیا جا رہا ہےجس سے عام شہری مستفید ہوں گے۔انہوں نے کہا کہ یہ ماڈل نہ صرف شہریوں کو سستی اور تازہ سبزیاں فراہم کرے گا بلکہ شہریوں میں آگاہی پیدا کرے گا اور ماحول کو بھی خوبصورت بنانے میں مددگار ثابت ہوگا۔

Short Link: https://urdu.app.com.pk/urdu/?p=580254