فیصل آباد۔ 02 اکتوبر (اے پی پی):کچن گارڈننگ پروگرام کے تحت گاجر،مولی،شلجم،پالک،دھنیا،سلاد،میتھی اورسرسوں 30اکتوبر تک کاشت کی جاسکتی ہے ،لہٰذاکچن گارڈننگ میں دلچسپی رکھنے والے حضرات کو چاہیے کہ وہ اس سہولت سے فائدہ اٹھائیں اورسبزیوں کی کاشت کیلئے ایسی جگہوں کاانتخاب کریں جہاں دھوپ کم از کم 8گھنٹے رہے کیونکہ سایہ دار جگہوں پر سبزیوں کی پیداواراوربڑھوتری متاثر ہوتی ہے۔
نظامت زرعی اطلاعات محکمہ زراعت کے ترجمان نے بتایا کہ کچن گارڈننگ پروگرام کے فروغ کے تحت 5مرلہ کاشت کیلئے ارزاں نرخوں پرموسم سرما کی سبزیوں کے بیج کے پیکٹس فراہم کئے جارہے ہیں۔
انہوں نے کہا کہ گھریلو پیمانے پر زہروں سے پاک نامیاتی سبزیاں اگائی جائیں جواخراجات میں کمی کے ساتھ صحت وتند رستی کا بھی باعث ہیں۔انہوں نے کہاکہ کاشت کی گئی سبزیوں کی روزانہ دیکھ بھال سمیت پانی اورکھاد کامناسب استعمال بھی کیاجائے۔
Short Link: https://urdu.app.com.pk/urdu/?p=507592
