گجرات۔5ستمبر (اے پی پی):ڈپٹی کمشنر صفدر حسین ورک نے پولیو اریڈیکیشن کمیٹی کے اہم اجلاس کی صدارت کرتے ہوئے بتایا کہ ضلع گجرات میں 2 تا 6 اکتوبر تک انسداد پولیو مہم کامیابی سے چلائی جائے گی، مہم کے دوران 5 سال تک کی عمر کے 4 لاکھ 96 ہزار555 بچوں کو پولیو سے بچاؤ کے قطرے پلائے جائیں گے
، انسداد پولیو مہم کو کامیاب بنانے کے لئے جامع پلان تشکیل دیا گیا ہے ، تمام الائیڈ ڈیپارٹمنٹ محکمہ صحت کی بھرپور معاونت کریں گے، مہم کی نگرانی تحصیل سطح پر اسٹنٹ کمشنرز اپنی اپنی تحصیلوں انسداد پولیو مہم کے باقاعدہ اجلاس منعقد کریں گے۔ ان خیالات کا اظہار انہوں نے نیشنل پولیو اریڈیکیشن کمیٹی کے اجلاس کی صدارت کرتے ہوئے کیا،
ایڈیشنل ڈپٹی کمشنر ریونیو خضر حیات بھٹی، ایڈیشنل ڈپٹی کمشنر جنرل افضل حیات تارڑ، اسسٹنٹ کمشنرز حیدر عباس، زوہیب ممتاز، محمد اکمل، ایم ایس عزیز بھٹی شہید ہسپتال ڈاکٹر شاہد مگسی،سی ای او ہیلتھ ڈاکٹر محمد عابد،ایچ او ڈاکٹر ایاز ناصر، نمائندہ ڈبلیو ایچ او ڈاکٹر صدف سلطان، یونیسف کے نمائندہ رائے شبیر اس موقع پر موجود تھے۔
ڈپٹی کمشنر صفدر حسین ورک نے کہا کہ انسداد پولیو مہم کی کامیابی کیلئے موبائل اور فکسڈ ٹیموں کی تعداد میں نمایاں اضافہ کر دیا گیا ہے،5156 اہلکار پولیو مہم میں ڈیوٹی سرانجام دیں گے،2208 موبائل ٹیمیں،122 فکسڈ ٹیمیں جبکہ 33 ٹرانزنٹس پوائنٹس قائم کیے جائیں گے، والدین اپنے 5 سال سے کم عمر بچوں کو پو لیو سے بچا ؤ کے قطرے لا زمی پلائیں، پولیو ٹیم نہ پہنچنے کی صورت میں قریبی محکمہ صحت کے مرکز سے را بطہ کریں۔
انہوں نے کہا کہ پولیو کے خاتمہ کے لئے تمام سرکاری محکموں کو اپنی ذمہ داریاں نبھانا ہونگی اسی طرح علمائے کرام،والدین، سول سوسائٹی کے ارکان، میڈیا سمیت تمام شعبوں سے تعلق رکھنے والے افرادمحکمہ صحت کی ٹیموں سے بھرپورتعاون کریں۔
Short Link: https://urdu.app.com.pk/urdu/?p=387098
