اسلام آباد۔4مارچ (اے پی پی):وفاقی وزیر اطلاعات و نشریات مریم اورنگزیب نے کہا ہے کہ گھڑی چور فارن ایجنٹ سے کوئی سمجھوتہ نہیں کرنا چاہتا، فارن ایجنٹ گھڑی چور کوسمجھوتہ نہیں، این آر او چاہئیے ۔
ہفتہ کوعمران خان کے بیان پر ردعمل دیتے ہوئے وزیر اطلاعات و نشریات نے کہا کہ روو، چیخو یا پیٹو، تم سے کوئی سمجھوتہ کرنے کو تیار نہیں ، فارن ایجنٹ گھڑی چور کوسمجھوتہ نہیں این آر او چاہئیے ،۔انہوں نے کہا کہ آرمی چیف سے کیوں ملنا چاہتے ہو ؟گھڑی چور فارن ایجنٹ سے کوئی سمجھوتہ نہیں کرنا چاہتا،جنہوں نے "رجیم ہٹائی” ، جنہوں نے "امپورٹڈ حکومت” بنائی، جنہوں نے تم پر "حملہ کرایا”، سب سے سمجھوتہ کرنے کو تیار ہو؟
وفاقی وزیر نے کہا کہ جنہیں "میرجعفر،میر صادق” کہا، سب کو معاف کرنے کو تیار ہو؟ یہ سمجھوتہ نہیں این آر اوکی منتیں ہیں،سمجھوتے کی بات اس لئے کیونکہ ہیروں، 190 ملین پاؤنڈ کے بند لفافے، القادر ٹرسٹ کی ٹرسٹی کو جواب نہ دینا پڑے؟
Short Link: https://urdu.app.com.pk/urdu/?p=354043
