لاہور۔12جنوری (اے پی پی):محکمہ موسمیات کی پیشگوئی کے مطابق آئندہ چوبیس گھنٹوں کے دوران صوبائی دارالحکومت سمیت پنجاب کے بیشتر شہروں میں موسم شدید سردوخشک رہنے جبکہ لا ہور سمیت میدانی علاقوں میں صبح اور رات کے اوقات میں سموگ اور دھند پڑنے کا امکان ہے ،شہر ی غیر ضروری سفر سے اجتناب اور محتاط ڈرائیونگ کریں۔
ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے اکثر علاقوں میں شدید موسم سرد،خشک اور دھند چھائی رہی جبکہ آئندہ چوبیس گھنٹوں کے دوران صبح اور رات کے اوقات میں لاہور، سیالکوٹ، گوجرانوالہ،نارووال،سرگودھا، اوکاڑہ،فیصل آباد، ٹوبہ ٹیک سنگھ،جھنگ،خانیوال ،ملتان ، بہا ولپور ، ڈیرہ غا زی خان اور گر دو نواح میں شدید دھنداورسموگ چھائے رہنے کاا مکان ہے ۔
ترجمان کے مطابق لاہور میں کم سے کم درجہ حرارت 08جبکہ زیادہ سے زیادہ 13سینٹی گریڈ ریکارڈ کیا گیا، ہوا میں نمی کا تناسب 94فیصد رہا،لا ہور میں آلودگی کی مجموعی شرح 209 رہی،اسی طرح شہر کے دیگر علاقوں فیز 8 ایوی گرین میں 347،ذکی فارمز 298،یو ایس قونصلیٹ 271فیز8ڈی ایچ اے290،سید فدا حسین روڈ 244،پاکستان انجینئرنگ سروسز 212اور ٹھوکر نیاز بیگ میں 226ریکارڈ کیا گیا۔ محکمہ موسمیات کے مطابق آئندہ 24گھنٹوں کے دوران بارش کا کوئی امکان نہیں۔
