لاہور۔25مارچ (اے پی پی):محکمہ موسمیات نے پیشگوئی کی ہے کہ آئندہ چوبیس گھنٹوں کے دوران لاہور سمیت پنجاب کے متعدد اضلاع میں مطلع جزوی ابر آلود رہنے کے علاوہ حافظ آباد، گوجرانوالہ،منڈی بہائوالدین، گجرات، سیالکوٹ، نارووال،شیخوپورہ، فیصل آباد، بھکر،لیہ،تو نسہ، ڈیرہ غا زی خان اور گردو نواح میں تیز ہوائوں/آندھی و گرج چمک کے ساتھ بارش جبکہ چند مقامات پر ژالہ باری کا بھی امکان ہے ۔
ترجمان محکمہ موسمیات کے مطابق گزشتہ چوبیس گھنٹوں کے دوران میانوالی ، خوشاب ، بھکر ، لیہ ، ڈیرہ غازی خان اور آس پاس کے علاقوں میں موسم جزوی طور پر ابر آلود رہا جبکہ گردونواح میں گرج چمک کے ساتھ ہلکی بارش ہوئی ۔لاہور میں کم سے کم درجہ حرارت 21اور زیادہ سے زیادہ 32سینٹی گریڈ ریکارڈ کیا گیا جبکہ ہوا میں نمی کا تناسب 42فیصدرہا۔
لا ہور میں آلودگی کی مجموعی شرح 105فیصد جبکہ شہر کے مختلف علاقوں میں ایئر کولٹی انڈیکس ٹرینیٹی سکولز لاہور 152،ذکی فارمز 207ڈبلیو ڈبلیو ایف ۔پاکستان137،پولو گرائونڈ 127،فیز8ڈی ایچ اے157اورویلنشیا ٹائون میں 159ایئر کوالٹی انڈیکس ریکارڈ کیا گیا۔
Short Link: https://urdu.app.com.pk/urdu/?p=576211
