اسلام آباد۔26مارچ (اے پی پی):اسلام آباد الیکٹر ک سپلائی کمپنی (آئیسکو )نے آئیسکو ریجن میں بوجہ ضروری سسٹم مینٹیننس28،29اور30مارچ کوعارضی بجلی بندش کا شیڈول جاری کر دیا ۔بدھ کو آئیسکو ترجمان کی جانب سے جاری بیان کے مطابق بوجہ ضروری سالانہ سسٹم مینٹیننس/ڈویلپمنٹ ورکس/اے ایم آئی میٹرز تنصیب کے باعث آئیسکو ریجن کے اسلام آباد،راولپنڈی ، اٹک،چکوال اور جہلم سرکلز کے مختلف علاقوں کو بجلی سپلائی کر نے والے فیڈرز پردرج ذیل شیڈول کے مطابق بجلی کی سپلائی عارضی طور پر معطل رہے گی۔
28مارچ 2025 کو صبح 7بجے تا دن 11بجے تک راولپنڈی سٹی سرکل،گوالمنڈی،جناح روڈ،موہن پورہ فیڈرز، راولپنڈی کینٹ سرکل،کلر سٹی، دوبیرن فیڈرز،صبح 8بجے تا دن ایک بجے تک نیو چوآہ فیڈر 29مارچ 2025 ،صبح 7بجے تا دن 11بجے تک، راولپنڈی کینٹ سرکل،کلر سٹی، دوبیرن فیڈرز،30مارچ 2025 کو صبح 7بجے تا دن 11 بجے تک، راولپنڈی کینٹ سرکل،RCCI-I,III&IV فیڈرز،صبح 8بجے تا دن ایک بجے تک نیو چوآہ فیڈر اور گردونواح بند رہیں گے۔
آئیسکو انتظامیہ اپنے معزز صارفین سے بجلی کی بندش پر معذرت خواہ ہے۔ وقت سے قبل کام مکمل ہونے کی صورت میں بجلی کی سپلائی مقررہ شیڈول سے پہلے بھی بحال کی جا سکتی ہے۔
Short Link: https://urdu.app.com.pk/urdu/?p=576426
