اسلام آباد۔20اکتوبر (اے پی پی):وفاقی وزیر اطلاعات، نشریات، قومی ورثہ و ثقافت عطاءاللہ تارڑ نے کہا ہے کہ آئینی ترامیم کے لئے تمام تیاریاں مکمل ہیں، یہ معاملہ آج طے ہو جائے گا۔
اتوار کو کابینہ اجلاس سے پہلے صحافیوں سے غیر رسمی گفتگو کرتے ہوئے وفاقی وزیر اطلاعات نے ایک سوال کے جواب میں کہا کہ رانا ثناءاللہ نے درست کہا ہے کہ آج یہ معاملہ طے ہو جائے گا۔
انہوں نے کہا کہ آئینی ترامیم کی منظوری کے لئے دیگر آپشنز بھی موجود ہیں لیکن ہماری پہلی کوشش ہے کہ آئینی ترامیم پر اتفاق رائے سے آگے بڑھا جائے۔
