لاہور۔19اپریل (اے پی پی):انسپکٹر جنرل پولیس پنجاب ڈاکٹر عثمان انور اپنی فورس اور انکے اہل خانہ کی ہیلتھ ویلفیئر کیلئے پرعزم ہیں جس کے تسلسل میں آئی جی پنجاب نے پولیس ملازمین اور انکے اہلخانہ کے علاج معالجے کیلئے مزید 24 لاکھ 75 ہزار روپے جاری کر دیئے ۔ ترجمان پنجاب پولیس کے مطابق کانسٹیبل ابو بکر صدیق کو علاج معالجے کیلئے 05 لاکھ روپے ، کانسٹیبل محمد یاسر کو میجر سرجری کیلئے 03 لاکھ روپے کے فنڈز جاری کیے گئے۔ ریٹائرڈ سب انسپکٹر غلام حسین اور کانسٹیبل عصمت اللہ خان کو علاج معالجے کی مد میں ڈھائی لاکھ روپے فی کس دئیے گئے۔
لانگری شاہد حسین کو بیوی کے کینسر کے علاج معالجے کیلئے 02 لاکھ روپے فنڈز جاری کیے گئے۔ریٹائرڈ انسپکٹر محمد اسلم، کانسٹیبلز غلام سرور اور ثاقب جہانگیر کو علاج معالجے کیلئے ایک لاکھ روپے فی کس جاری کیے گئے۔مرحوم سب انسپکٹر عبدالقیوم کی بیوہ، کانسٹیبلز عمر رفیق اور خورشید احمد کو علاج معالجے کیلئے ایک لاکھ روپے فی کس دئیے گئے۔ مرحوم کانسٹیبل محمد بنارس کی بیوہ اور جونیئر پٹرولنگ آفیسر یاسر رفیق کو علاج معالجے کیلئے ایک لاکھ روپے فی کس فنڈز جاری کیے گئے۔ اے ایس آئی رفاقت علی، کانسٹیبل خالد محمود اور خاکروب پرکاش کو علاج معالجے کیلئے مجموعی طور پر 1 لاکھ 75 ہزار روپے دئیے گئے۔
آئی جی پنجاب نے میڈیکل فنانشل اسسٹنس کمیٹی کی سکروٹنی کے بعد فنڈ اجرا کی منظوری دی۔ ڈاکٹر عثمان انور نے کہا کہ مختلف اداروں کے ساتھ ایم او یوز کے تحت بھی ملازمین کو علاج معالجے کی بہترین سہولیات فراہم کر رہے ہیں۔
Short Link: https://urdu.app.com.pk/urdu/?p=584643
