لاہور۔11اگست (اے پی پی):آئی جی پنجاب ڈاکٹر عثمان انور نے لاہور سمیت مختلف اضلاع کے پولیس ملازمین کے بچوں کے علاج کےلئے 27 لاکھ 22 ہزار روپے جاری کر دیے۔ترجمان پنجاب پولیس کے مطابق کانسٹیبل محمد عرفان کو بیٹے کی کوکلیئر امپلانٹ سرجری کےلئے 16 لاکھ 60 ہزار روپے کی منظوری دی گئی۔کانسٹیبل محمد سرور کو بیٹے کی ٹانگوں کی سرجری کےلئے اڑھائی لاکھ روپے دیے گئے،
کانسٹیبل محمد رمضان کو بیٹے کے جگر کے علاج کےلئے اڑھائی لاکھ روپے کی منظوری دی۔ہیڈ کانسٹیبل عاصم شہزاد کو بیٹی کے کینسر کے علاج معالجے کےلئے اڑھائی لاکھ روپے دئے گئے۔ڈرائیور کانسٹیبل کامران حسین اور کانسٹیبل عابد حسین کو بچوں کے علاج معالجے کےلئے ایک لاکھ روپے فی کس فنڈز جاری ہوئے ۔
کانسٹیبل محمد رفیق اور ای ڈی سی آپریٹر محمد عارف کو بچوں کے علاج معالجے کےلئے مجموعی طور پر 01 لاکھ 12 ہزار روپے کی منظوری دی گئی۔آئی جی پنجاب نے مذکورہ بالا فنڈز ویلفیئر مینجمنٹ کمیٹی کی سکروٹنی و منظوری کے بعد جاری کئے۔
