لاہور۔21مارچ (اے پی پی):آئی جی پنجاب ڈاکٹر عثمان انور کی زیر صدارت سنٹرل پولیس آفس میں اہم اجلاس کا انعقاد ہوا۔اجلاس میں ایڈیشنل آئی جی ٹریفک مرزا فاران بیگ، ایس ایس پی ٹریفک سید غضنفر علی شاہ اجلاس میں موجود تھے۔
ترجمان کے مطابق تمام سی ٹی اوز، ڈسٹرکٹ ٹریفک افسران کی بذریعہ ویڈیو لنک شرکت کی۔وزیر اعلی پنجاب کے ویژن کے مطابق ٹریفک روانی اور قوانین پر عملدرآمد بہتر بنانے کے اقدامات کا جائزہ لیا گیا۔اس موقع پرآئی جی پنجاب کی سی ٹی اوز، ڈی ٹی اوز کو ہنگامی بنیادوں پر ڈرائیونگ لائسنسنگ کی شرح بڑھانے کی ہدایت کی۔ٹریفک افسران کو منتخب روڈز کو ٹریفک روانی، روڈ سیفٹی، قوانین پر عمل درآمد کے حوالے سے آئیڈیل بنانے کا ٹاسک دیا گیا، آئی جی پنجاب۔ نے کہا ہے کہ لاہور سمیت صوبہ بھر میں روڈز انفراسٹرکچر ڈویلپمنٹ، ٹریفک ڈسپلن کا سختی سے نفاذ یقینی بنائیں،
حادثات کے تدارک کے لئے ٹریفک قوانین کی خلاف ورزی پر زیرو ٹالرنس اپنائیں۔آئی جی پنجاب کا لائسنسنگ و ای چالان کی ریکوری کی شرح، ڈرائیونگ ٹریننگ سکولز میں طلبا کی تعداد بڑھانے کی ہدایت کی۔آئی جی پنجاب کا بیشتر اضلاع کے ڈسٹرکٹ ٹریفک افسران کی ناقص کارکردگی، سروس ڈیلیوری پر عدم اطمینان کا اظہار کیا۔ آئی جی پنجاب نے روڈز انفراسٹرکچر ڈویلپمنٹ، ناجائز تجاوزات، گداگری کے خاتمے کے لئے لاہور، گوجرانوالہ، راولپنڈی اور ملتان کی کارکردگی کو سراہا گیا۔
آئی جی پنجاب نے کہا کہ سڑکوں اور شاہراہوں پر ایکسل لوڈ مینجمنٹ سسٹم کا نفاذ یقینی بنائیں۔ون ویلنگ، انڈر ایج و بغیر لائسنس ڈرائیونگ، اوور سپیڈنگ، ہیلمٹ کی خلاف ورزی، غیر قانونی ٹرانسپورٹ کا تدارک لازمی بنائیں، کالجز یونیورسٹیوں میں آوٹ ریچ پروگرام کے تحت طلبا و طالبات کی ڈرائیونگ لائسنسنگ بڑھائیں، آئی جی پنجاب نے مزید کہا کہ ٹریفک قوانین، لائن اور لین کی پابندی کے حوالے سے شعور اجاگر کرنے کے لئے ٹرانسپورٹرز، اساتذہ کے ساتھ مشاورت سے مشترکہ لائحہ عمل اپنائیں۔
Short Link: https://urdu.app.com.pk/urdu/?p=574946
