لاہور۔4اپریل (اے پی پی):انسپکٹر جنرل پولیس پنجاب ڈاکٹر عثمان انور کی زیر صدارت سنٹرل پولیس آفس میں اہم اجلاس منعقد ہوا۔ اجلاس میں ایڈیشنل آئی جی سی ٹی ڈی وسیم سیال، ایڈیشنل آئی جی کرائم کنٹرول ڈیپارٹمنٹ سہیل ظفر چٹھہ، ایڈیشنل آئی جی سپیشل برانچ را عبدالکریم اور اے آئی جی آپریشنز ساجد کھوکھر موجود تھے۔ آئی جی پنجاب نے کچہ کریمنلز کے خلاف جاری اقدامات کا جائزہ لیا۔اس موقع پرایڈیشنل آئی جی ساوتھ پنجاب، آر پی اوز اور ڈی پی اوز نے کچہ کریمنلز کے خلاف جاری انٹیلی جنس بیسڈ آپریشنز بارے بریفنگ دی۔ آئی جی پنجاب نے کہا کہ مربوط پلاننگ، حکمت عملی اور تیاری کے بعد کچہ کریمنلز کے خلاف فیصلہ کن ایکشن لیں۔درست اہداف کی نشاندہی،
وسائل اور ٹیکنالوجی کا موثر استعمال کچہ کریمنلز کے خلاف کامیابی کی ضمانت ہے۔کچہ کریمنلز کے خلاف ڈرونز ٹیکنالوجی، بکتر بند گاڑیوں اور جدید اسلحہ و آلات کے استعمال کا جائزہ لیا گیا۔ آئی جی پنجاب نے کچہ کریمنلز کے سہولت کاروں کے خلاف بھی کریک ڈان جاری رکھنے کا حکم دیتے ہوئے کہا کہ وزیر اعلیٰ پنجاب نے کچہ کریمنلز کے خاتمے کے لئے پنجاب پولیس کو بھرپور وسائل فراہم کئے ہیں۔رحیم یار خان اور راجن پور میں پولیس وہیکلز کی بلٹ پروفنگ، تھرمل کیمرے، کواڈ کاپٹرز اور اسلحہ سمیت جدید ٹیکنالوجی فراہم کی گئی ہے۔آئی جی پنجاب نے افسران کو ہدایت دیتے ہوئے کہا کہ ہیڈ منی والے کچہ کریمنلز کے خلاف بھی موثر اور نتیجہ خیز ایکشن لیں۔کچہ کریمنلز کے خلاف سندھ پولیس کے ساتھ ضروری کوارڈینیشن، لائحہ عمل اور تیاری کے ساتھ کاروائی عمل میں لائیں۔
ایڈیشنل آئی جی ساتھ پنجاب محمد کامران خان، آر پی او بہاولپور رائے بابر سعید، آر پی او ڈی جی خان کیپٹن ریٹائرڈ سجاد حسن خان، ڈی پی او رحیم یار خان اور ڈی پی او راجن پور نے بذریعہ ویڈیو لنک اجلاس میں شرکت کی۔
Short Link: https://urdu.app.com.pk/urdu/?p=578569
